لقائنا مع الشاعر الكبير يحيي ابو الخير في احدى ابداعته الا وهي ....عيد البنزين....

....عيد البنزين....

زودى اوووي وشددي
وبالجوع هددي
وعيدي علينا عيدي
 عيد الجاز والبنزين
وطلعي هم السنين
واطحني المطحونين
آاااااااه
آه يابلد
هيموت في بطنك الولد
هتسقطيه عن عمد
لقد خلقنا الانسان في كبد
ماتخلي فينا يابلدنا
شوية عقل
واتعامل ازاي بهدؤ
واتكلم ازاي بالعقل
وانتي بيحكمك مجانين
بيجوعو بس الفقير
ويسرقو  الملايين
حكومة الفساد والعار
دراويش في وسط الزار
ويوم العيد خلوه
 سواد وعيشه مرار
لهم حاسين بالغلبان
ولا بشربه العذاب الوان
ولازم يكون عندهم
جزمه مطيع حيوان
وياعيييييني
وياعيني عليك ياوله
ولا عاد نافع السكوت
ولا نافعه الولوله
هقف وقول الحق
ولو شقو راسي شق
ولو بررت افعالهم
تستاهل الذل و الدق
اه احنا معترضين
اه احنا مش راضين
ع المترو والبنزين
واللي يقول غير كده
اما من الحراميه
او المعرصين
وتعريص بتعريص
وتسمع اللي يقولك
في امل وبصيص
امتي تحس بقااا
وتكون إنسان حسيس
يابيه ياعاقل اوووي
بتغلي ليه الاسعار
فاكرني تافه كده
ربع رومي وفار
دا رامز تحت الصفر
رعا حقوق الجار
حوارات ومسلسلات
وهات ياعم هات
رحيّم  انا وايوب
دا لو حتي
كلي عيوب
هو انت نسيت ربنا
ولا مش هتوب
هصبر لامته ياعم
وانت ماعندك دم
تعالا خد راتبي
ووريني ازاي يكفيك
الفين تلاته انا
وانت تلاتين كاش
 او شيك
وناس ماعندها راتب
ولاشغل ولا مكاتب
انا مش هشكي بعد كده
ولا هاجي اعاتب
وناس مش لاقيه تاكل
حتي الرغيف
ولا لاقيه تسكن بيت
مرميه ع الرصيف
انا بقولك امشي
ايوه بقولك امشي
عشان انا مش همشي
دي ارضي ودا وطني
اغلي من رمشي
ومش هقول عنيا
عشان كنت بتقول
 احنا نور عنيك
بس دلوقتي
متعذبين بيك
ومش هسيب حقي
وهسوق ربنا عليك
كلمات...يحيي ابوالخير